ثرثرة فضاء

:الحلقة السادسة والعشرون:

منذ الطفولة وأنا مهووس بتلك السماء

بل وحتى النجوم

حتى ان احد هواياتي كانت ان اصبح عالم فلك

أحمد ربي اليوم أن تلك الامنية لم تتحقق

من أساس ما يبحث عنه علم الفلك هو … هل توجد حياة على الكواكب الأخرى ؟؟

ثم يبدئون بالبحث في هذا الفضاء …

وفجأة يكتشفون نظام شمسي يحتوي على خمس كواكب مطابقة لنظام الأرض

والان يقومون بعمل أبحاث حول اذا ماكانت الحياة موجودة أم لا

ولكن المشكلة أن الكوكب يبعد عنا مسافة مليون سنة ضوئية!!

هههههههههههههههههه

أيضا من الحوادث الطريفه او العجيبة

في انفجار مجموعة شمسية (سوبر نوفا)

وزعل الطاقم العلمي أنهم تأخرو عن موعد الانفجار ربع ساعة!!

وبعد كدا نكتشف أن الانفجار كان قبل الاف السنين لكن دوبو سار ممكن نشوفو

غريب هذا الكلام صح ؟؟

هذي نظرية انشتاين لا بارك الله فيه

يقلكم انشتاين ان النجوم هذي اللي في السما مو شرط تكون موجودة الان

ممكن تكون انفجرت من زمان لكن ضوئها ما زال موجود

على كذا كل مره وقفنا وخلينا احلامنا موازيه للنجوم نكون غلطنا

لان في بعض النجوم معد موجودة

ومين يدري ممكن بكره نسمع السماء مافيها نجوم واللي نشوفها مجرد اضواء كواكب من قبل ملايين السنين الضوئية

غريب حال العلم دائما يتصادم مع أحلامنا

لكن سبحان الله هذا الكلام المفروض ما يكون جديد علينا

لانو موجود في القران :

(فلا أقسم بمواقع النجوم وإنه لقسم لو تعلمون عظيم) سورة الواقعة

اي والله انه لقسم عظيم

لان الله عز وجل ما أقسم بالنجوم

لكن أقسم بمواقعها

لأن النجوم ممكن تتحرك من مكانها أو تزول

لكن للأسف جانا انشتاين واتفلسف على راسنا

وما اشطرهم علماء الفلك

يبو يدورو كوكب تاني للحياة

عشان يسافرو ويسيبو الكوكب هذا

اتذكر مدرس العلوم مره قال في الحصه في المتوسط

الامريكان حيسافرو كوكب تاني وبعدين يفجرو الارض

ههههههههههههههههههه

اظن حيسوو باصات على شكل صواريخ ويشيلو فيها كل الناس ويروحو الكوكب التاني

وفي نص الطريق يرجعو للارض لان في حرمة نسيت رضاعة ولدها

ولا واحد نسي يجيب الاثبات

واول ما يقربو من الكوكب التاني

يجي مرور الفضاء يديهم قسيمه لانهم اتجاوزو السرعه القانونيه

وعاد يتورطوا اللي في الباص الفضائي لأن محد منهم عندو عملة فضائية

في النهاية يروحو التوقيف في مكان مليان بالمفحطين من اخواننا في الفضاء وقاطعين الاشارات

وأهم شي في الموضوع ان المخلوقات الفضائيه حيتريقو علينا وعلى أشكالنا

عندهم يدين وعينين ورجلين وفم واحد

وبعد ما يحن علينا ملك الفضاء ويخرجنا من التوقيف وتنتهي الفيزا

نبدأ نشرد من جيب الجوازات الفضائي

اللي حيرجعنا للارض مره تانيه

ولا احد يلاقي عيله كويسه يشتغل عندهم سواق

مدري المخلوقات الفضائية حيكون عندهم حرية للمرأة ؟

حنشوف الحريم يسوقو ولا لا ؟

والمراهقين من اخواننا الفضائيين ايش يسوو وقت الفراغ ؟

ينزلو السوق يعاكسو ؟ ولا يذاكرو ؟

كل هذي الاسئلة يجيب عليها علم الفلك ….

وممكن تكون احلام زي النجوم اللي حلمنا بيها كثير