:الحلقة الثانية والعشرون:نكمل معا ما بدأناه في حلقتنا الماضية …
كنا نتكلم عن طرق معرفة سلطان الغرام
وذكرنا العشر بصمات التي تثبت ذلك المرض
ولكن هذا المريض لا يتوقف هنا
بل تراه كل يوم وهو في حالة عجيبة
فاذا كان ممن يعيشون مع أسرتهم
فيبدأ بالزعيق والنعيق على الجميع من دون سبب !
وان كان مع الشلة فيبدأ بالغضب سريعا او الانسحاب بهدوء
وهذا دليل على شيء من اثنين
1- مشتاق للمعزبة ويدور أقل سبب عشان يخرج ويكلمها
2- المعزبه زعلانة منو أوي أوي عشان لما دقت ما رد عليها بسرعه أو لأي سبب تافه
هذه التفاهه ليست الا بداية الطريق الى الهاوية
فبعد أيام وأشهر نرى سلطان شاحب الوجه
وبعدها يختفي وجوالو مقفل طبعا
وشويا شويا تبدا جوالات أصحاب سلطان باستقبال أرقام غريبه عجيبه
والمتصل ببساطة القرد فرند
سبحان الله ..!!
القرده فارقها النوم وسارت ليلى ومسويه بالزبط زي فاتن حمامه طول الوقت على السرير وتبكي
وتبا أي أحد يقلها سلطان بخير لا لا تبا تسمع صوت سلطان عشان تهدى
وطبعا تعيس الحظ اللي يرد عليها فهذا من المغضوب عليهم
لانه أولا مح يفهم شي من المكالمة لان 90 % منها بكاء و10 % ساكته ومكسوفه
يا عيني على الأدب والاحترام .. بنت مربايه خالص
وبعد مدة يفهم الموضوع والقصه
ويروح يدور على سلطان ويقلو القصه
طبعا سلطان جالو مرض الغيرة !! >>>نفسي أفهم بيغار على ايش ولا على مين
وبدأ يهزئ صاحبو كيف ترد عليها >>حلوة كيف يرد عليها
لعلمكم سلطان لما كان يكلمها كان يقول لاعز اصحابو عن التفاصيل بس كان ملتزم ومؤمن بان صوت المرأة عورة
وزعل سلطان واتخلى عن اعز اصحابو …
وبعدين وهوا جالس يبكي لان اعز اصحابو خانو ومع مين !! مع القرده …
قال انا لازم اكلم القردة وافهم ليه خانتني ؟
بعدين طبعا القردة بكلمتين تاخد عقلو ويسامحها لانها ما اتكلمت هيا بس بكيت وتبا تطمن عليه
>>>يا عيني على حنان الأم
بس في سؤال مهم!
مين ادى القرد فرند رقم صاحب سلطان ؟؟
أكيد أكيد سلطان نفسو
الحمدلله والشكر
المهم،،
بعد المضاربه هذي يعيشو في سعادة وتكون من احلى ايام العمر
لان القردة مبسوطه انو اتخلى عن اعز اصحابو (اللي كانت تغار منو) ودا كلو عشانها
وبعد كدا وما ادراك ما بعد كدا …
الثنائي المرح يقررو يشوفو بعض!!
بس لاحظو المشكلة
الاثنن موافقين
بس المشكلة عند القردة انها ما تخرج من البيت واهلها طول الوقت حاطينها تحت المراقبه وخايفين عليها مرة
والمشكلة عند سلطان ان مبادؤو رافضه الفكره تماما !!
بس هوا في صراع نفسي مع هذي المبادئ عشان القردة الحبيبه
وفي يوم من الايام يتصل عليها ويسالها فينك ؟
تقلو انا في السوق
وداك ما صدق اي سوق ؟
خلاص خمس دقايق واجيكي
للاسف جا في 4 دقايق مع ان الطريق زحمة وكان بعيد بس الحب جنون زي ما يقولو
تعالو شوفو لو كانت صلاة يحط الفجر مع العشا اخر الليل قبل ما ينام
وبعد كدا يشوفها من بعيد وخلاص طبعا يسير شاعر ويقلها شفتك وانتي حلوة وغزاله وفراشه …الخ من اسامي الحيوانات بس بدون قرده طبعا
طبعا البنت تستغرب كيف عرفها ؟؟
تقلو انا ما شفتك
وانتا كيف عرفتني ؟
يقوم الولد يزعل يعني ما عرفتيني وخلاص انا زعلت ومن دا الفلم الهندي
وتسير مشكلة في وسط السوق
وبعد فتره سطلع ان الشاب الوسيم مو في السوق وهوا في قبضة رجال الهيئة
لانو وببساطة شاف وحدة وحسبها القرد فرند وجا يمسك يدها الا طبعا صرخت وا هيئتاااااه
وطبعا ما يبا البنت تعرف بس على قولتهم مافي شي يستخبى في دي البلد
انا بس اباكم تلاحظو اني بكتب عن اقل انواع العلاقات …
لان العلاقات انواع زي مح نقلكم بعدين
بس في الحلقة القادمة تعرفوا كيف انتهى الحب بين سلطان وقرده!!
اغسطس 27, 2008 عند 12:22 م |
شكلها القرده شافت مهند و سحبت على الخروف…………
و الخرووووووووووووف شاف لميس و اقتنع ان القرده جمالها اخااااذ خخخخخخخ
نوفمبر 6, 2008 عند 6:15 م |
يعجبني تفكيرك المنطقي
ههههههههههههههههههه
مايو 24, 2009 عند 3:25 ص |
الله يرجك من أحد!
دولا سلطة، الله يهديهم بس..
مايو 25, 2009 عند 12:36 ص |
آمين يا رب
صدقيني اكثر من سلطة
شكرا نجاة